നാട്ടുവിശേഷങ്ങൾ , നാടിനെ ബാധിക്കുന്ന വിഷയങ്ങൾ , സാഹിത്യം , കല , നാടിന്റെ ചരിത്രം , തൊഴിൽ – പ്രൊഫെഷണൽ – ബിസിനെസ്സ് മേഖകൾ , പ്രകൃതി സംരക്ഷണം,  സ്ത്രീ ശാക്തീകരണം , സാമൂഹ്യ നീതി, തുടങ്ങി വിവിധ വിഷയങ്ങൾ സംബന്ധിച്ച ബ്ലോഗുകൾ (എഴുത്തുകൾ , കുറിപ്പുകൾ , ഗവേഷണ വിവരങ്ങൾ …) , ചർച്ചാ വേദികൾ , എന്നിവയ്ക്ക് ഈ വെബ്‌സൈറ്റിൽ അവസരങ്ങൾ ഉണ്ടാവും !

സാമൂഹ്യ മാദ്ധ്യമങ്ങളിൽ നടക്കുന്ന ചർച്ചകളും പോസ്റ്റുകളും മറ്റും ഓഡിയോ – വീഡിയോ ഉൾപ്പെടെ അതാത് വിഷയങ്ങളുടെ തരംതിരിച്ചും പ്രാധാന്യം അനുസരിച്ചും ഡോക്യുമെന്റ് ചെയ്‌ത് സൂക്ഷിയ്ക്കുക എന്നതും ഈ പോർട്ടലിന്റെ ഭാഗമാണ്. അതുവഴി വളരെയധികം സമയം വ്യയം ചെയ്‌തു നടക്കുന്ന ചർച്ചകളും പോസ്റ്റുകളും മറ്റും എന്നന്നേയ്ക്കുമായി നഷ്ടപ്പെടാതെ സൂക്ഷിയ്ക്കുവാനും , വീണ്ടും അതെ വിഷയം, അതേ കാര്യങ്ങൾ തന്നെ ആവർത്തിച്ചു  അവയുടെ ആവർത്തന വിരസത ഒഴിവാക്കുവാനും കഴിയും .

നമ്മുടെ നാട്ടിലെ വിവിധ മേഖലകളിലെ പ്രൊഫെഷനലുകൾ , നേതാക്കൾ , സംഘടനാ ഭാരവാഹികൾ, സ്ഥാപന മേലധികാരികൾ തുടങ്ങിയ വിവിധ വ്യക്തികളുടെ ലഘു വിവരങ്ങൾ അടങ്ങുന്ന Who is who പേജുകളും ഈ പോർട്ടലിൽ ഉണ്ടാവും. അത്തരം വിവരങ്ങൾ നാടിനും തദ്ദേശീയ ഭരണ സ്ഥാപനങ്ങൾക്കും ശാസ്ത്രീയമാം വിധം മനുഷ്യ വിഭവ ശേഷി ആസൂത്രണം ചെയ്യുവാൻ സഹായകം ആവും. ഈ വ്യക്തികൾക്ക് തങ്ങളുടെ പ്രൊഫെഷണൽ സേവനങ്ങൾ നാട്ടിലും മറ്റു മേഖലകളിലും അനായാസം നൽകുവാനും കഴിയും.

നമ്മുടെ നാട്ടിലെ എല്ലാ സ്ഥാപനങ്ങൾക്കും സംഘടനകൾക്കും സമുദായങ്ങൾക്കും രാഷ്ട്രീയ പാർട്ടികൾക്കും പ്രത്യേകം പേജുകൾ അതാത് ഗ്രാമ / പ്രാദേശിക വെബ് പോർട്ടലുകളിൽ ഒരുക്കിയിട്ടുണ്ട്. അവരവരുടെ മറ്റു വെബ്സൈറ്റുകളുടെയും ഫ്ബി പോലുള്ള സാമൂഹ്യ മാദ്ധ്യമങ്ങളുടെ ലിങ്കുകളും മറ്റും ഇതിൽ നൽകാവുന്നതാണ്.  ബ്ലോഗ് പോസ്റ്റുകൾ ഇടുവാനുള്ള ഫോറങ്ങളും പ്രസിദ്ധീകൃതങ്ങളായ പോസ്റ്റുകളുടെ പേജുകളും വീഡിയോ – ഓഡിയോ ആൽബങ്ങളും അടങ്ങുന്ന പേജുകളും ഒരുക്കിയിട്ടുണ്ട്. ഇങ്ങനെ എല്ലാ വിഭാഗങ്ങളും കൂടി ( നാട്ടിലെ നിലവിലെ പ്രശ്നങ്ങൾ , സാമൂഹ്യ – സാമ്പത്തിക – തൊഴിൽ – ജനസംഘ്യ മേഖലകൾ ഉൾപ്പെടെ ഇപ്പോൾ തന്നെ ഇത്തരം pre – designed പേജുകൾ എണ്ണൂറോളം ഉണ്ട്! ഇവയിലൊക്കെ ഇപ്പോൾ ഉള്ളത് ഫില്ലർ ഉള്ളടക്കങ്ങൾ ആണ്. അതാത് ജില്ലാ – പ്രാദേശിക തലങ്ങളിൽ ഇവ തങ്ങളുടെ പ്രദേശത്തിന്റെയും മറ്റും വിവരങ്ങൾ , ചിത്രങ്ങൾ , ഓഡിയോ -വീഡിയോകൾ ( encrypt ), ബ്ലോഗ് പോസ്റ്റുകൾ തുടങ്ങിയവകൊണ്ട് അവയെ replace ചെയ്‌താൽ മാത്രം മതിയാവും ! 

നാട്ടിലെ പ്രമുഖ വ്യക്തികൾ , യുവ പ്രതിഭകൾ , നമ്മെ വിട്ടു നിത്യതയിലലിഞ്ഞവർ തുടങ്ങിയ വിഭാഗങ്ങളിലും  പ്രത്യേക പേജുകൾ ഒരുക്കിയിട്ടുണ്ട് . ഇപ്പോൾ ഫില്ലർ ചിത്രങ്ങൾ ആണ് അവയിൽ. പ്രാദേശിക അടിസ്ഥാനത്തിൽ അവയെ replace ചെയ്യുകയും കൂടുതൽ പേരെ കൂട്ടിച്ചേർക്കുകയും വേണം.  

നാട്ടിലെ പ്രൊഫെഷനലുകൾക്കും , ബിസിനസ് സംരംഭകർക്കും ആവശ്യമായ ഓൺലൈൻ സംവിധാനങ്ങൾ , പ്രത്യേക വെബ്സൈറ്റുകളും വെബ് പോർട്ടലുകളും നിർമ്മിച്ച് നൽകുക , അതിനായുള്ള പരിശീലനങ്ങളും കൺസൾട്ടൻസികളും സംഘടിപ്പിക്കുക തുടങ്ങിയ ആവശ്യങ്ങൾക്കും പ്രത്യേക പേജുകൾ ഉണ്ടാകും. 

ജില്ലകളുടെയും ഗ്രാമങ്ങളുടെയും വെബ് പോർട്ടലുകൾ പ്രവർത്തനക്ഷമമാകുന്ന മുറയ്ക്ക് കൂടുതൽ സെർവറുകൾ , software, സാങ്കേതിക വിദഗ്ദ്ധർ, അതാത് ജില്ലകളിലും പ്രാദേശിക തലങ്ങളിലും സ്റ്റാഫ് ടീമുകൾ എന്നിവ വേണ്ടിവരിക സ്വാഭാവികം. ഈ വെബ് പോർട്ടലിന്റെ ട്രൈനീകൾക്കായിരിക്കും  സ്റ്റാഫ് ഒഴിവുകൾ വരുമ്പോൾ മുൻഗണന നൽകുക. മുകളിൽ പരാമർശിച്ച വിവിധ ആവശ്യങ്ങൾക്കായുള്ള ഭാരിച്ച സാമ്പത്തിക ചിലവുകൾ Sponsoring, ട്രെയിനീ ഫീസ് , പരസ്യങ്ങൾ , സംഭാവനകൾ , crowd -funding , പ്രൊഫഷണൽ – ബിസിനസ് – സ്ഥാപനങ്ങൾ തുടങ്ങിയവകൾക്കുള്ള വെബ്സൈറ്റ് , ഗ്രാഫിക്‌സ് , ഹോസ്റ്റിങ് എന്നിവകൾ വഴിയും സ്വരൂപിക്കുവാൻ ആലോചിക്കുന്നു. ജില്ലാതല അഡ്മിൻ – എഡിറ്റർ – ഡെവലപ്പേഴ്‌സ് ടീം ആണ് അതാത് ജില്ലാ തല – ഗ്രാമ തല പോർട്ടലുകൾ മാനേജ് ചെയ്യുന്നത് . അതിനായുള്ള പരിശീലനം ആദ്യ ആറുമാസം നൽകും. ആദ്യ മൂന്നു മാസങ്ങൾ ഈ പോർട്ടലുകൾ ട്രയൽ മോഡിൽ ആയിരിക്കും. ഏറ്റവും നല്ല ജില്ലയ്ക്കും ഏറ്റവും നല്ല ഗ്രാമത്തിനും എല്ലാ വർഷവും കേരള പിറവി ദിനത്തിൽ അവാർഡുകൾ നൽകുവാനും ആലോചനയുണ്ട്. 

ഗവേഷകർക്കും ഗവേഷണ വിദ്യാർഥികൾക്കും ഗവേഷണ സ്ഥാപനങ്ങൾക്കും വിവിധ വിഷയങ്ങളും ഉപ വിഷയങ്ങളും പ്രാഥമിക വിവരങ്ങളും ക്രമേണ സ്ഥിതി വിവര കണക്കുകളും ഈ പോർട്ടലുകളിൽ നിന്നും ലഭ്യമാവും.